Дорноговь мал эмнэлэгийн газар
МАЛ СҮРЭГ МИНЬ БАЙГАЛЬД ТЭТГЭГДЭЖ
МАЛЧИН ТҮМЭН МИНЬ ТӨРД ИВЭЭГДЭХ БОЛТУГАЙ
Дорноговь аймагт Мал эмнэлэг бактери шинжилгээний лаборатори 1960 онд байгуулагдан ЗХУ-н багаж тоног төхөөрөмжөөр тоноглогдож 2 малын их эмч, 2 малын бага эмч, 1 санитарчийн орон тоотойгоор ажиллаж эхэлсэн. 1974 онд шинээр Мал эмнэлгийн ариун цэврийн станц байгуулагдаж малын их эмч-2, малын бага эмч-2, сантиарч-1, жолооч-1 гэсэн 6 хүний орон тоотойгоор үйл ажиллагаагаа өргөжүүлэн ажилласан. Дээрх хоёр лабораторийг 1990 онд нэгтгэн аймгийн Мал эмнэлгийн лаборатори гэж нэрлэн үйл ажиллагаагаа өнөөг хүртэл хэвийн явуулж байна.
Мал амьтны өвчний оношийг тогтоох, ялгаварлан оношлох, баталгаажуулах шинжилгээ хийх, тархалт халдварлалтын түвшинг үнэлэх, тэмцэх арга хэмжээний үр дүнд үнэлэлт өгөх, малын гаралтай бүтээгдэхүүний аюулгүй баталгаа гаргах, олон улсын болон үндэсний стандартын шаардлагыг хангасан мал эмнэлгийн сүлжээ лабораторийн журмаар ажиллах.